Formalisa per Landsbesluit regulacion di pesca cu harpoen (spearfishing)

Ya desde aña 2001 a introduci ley di prohibicion di importa, tin den poder y hasi uso di speargun pa piscamento, Landsbesluit onderwaterjachtmiddelen AB2001 no. 115. Despues di un bataya largo di un grupo di piscadornan cu ta speargun como deporte y ofishi. Na aña 2005 a ricibi carta for di minister (Kenmerk: 1832/05) di Salubridad Publico y Medio Ambiente C.A. Wever y minister di Finansas y Asuntonan Economico N.J.J. Swaen cu ta aboli dicho ley di prohibicion teniendo na cuenta algun condicionnan. Nunca mas a duna e topico e atencion debido y tampoco a traha riba ley pa regula e forma di pisca, deporte y ofishi aki. 

Awo cu nos ta enfrenta dificultadnan economico cu a bin cu e crisis di covid-19 ta mas importante cu nunca pa brinda pueblo e espacio y tambe diferente posibilidad pa por provee pa nan famia y crea entrada den e sector di pesca. Uso di speargun pa pisca ta un forma  mas sostenibel, menos costoso y mas accesibel pa mas persona. Cu regulacion por crea practica di pisca cu harpoen responsabel. 
Tambe pa brinda nos piscadonan tradicional e espacio pa keda practica nan tradicion y parti di nan cultura. Pa brinda nos piscadonan e espacio pa por disfruta di e deporte den un manera sostenibel y responsabel. Como ser human nos por co-exsisti cu mama tera/medio ambiente y disfruta tur locual e ta brinda nos den un manera sostenibel. Spearfishing NO ta trophy hunting, spearfishing ta hunting to eat.

Pa esaki nos ta pidi pa formalisa per landsbesluit regulacion adecuado y relevante na nos region. Teniendo na cuenta tur aspecto e.o. e aspecto humano, cultura y tradicion y tambe medio ambiente. 

Peticion aki ta dirigi na minister di Transporte, Communicacion y Sector Primario sr. Crispin V.J. Romero, minister di Husticia, Seguridad y Integracion sr. mr. Andin C.J. Bikker y minister di Desaroyo Teritorial, Infrastructura y Medio Ambiente Sra. drs. Marisol Lopez- Tromp