PRESIDENTE DA XUNTA DE GALICIA, ALBERTO NUÑEZ FEIJOO: NON NO NOSO NOME

Coa tristeza e a indignación de ter chegado ao segundo ano do peche de fronteiras e o acordo con Turquía, a Rederefuxiadas considera inadmisible que o Goberno de España siga violando os Dereitos Humanos e incumplindo a lexislación internacional, vulnerando
a Carta Internacional de Dereitos Humanos,
a Carta de Dereitos Fundamentais da UE,
o Convenio Europeo de Dereitos humanos
a Convención de Ginebra para os Refuxiados,
así como diferentes Directivas europeas en materia de asilo.

Tomando como referencia o marco normativo internacional e co obxectivo de garantir o dereito ao asilo, recollido no artigo 14 da Declaración Universal dos Dereitos Humanos, o goberno da Xunta ten que levar a cabo políticas concretas no marco das súas competencias, debe esixir ao Goberno Español que deixe de violar a lexislación internacional e debe resolver en coordinación co Goberno Central os problemas xenerados polo estrepitoso fracaso do programa estatal de integración e acollida.

Esiximos ao Presidente da Xunta , D. Alberto Nuñez Feijoo , que o Goberno Galego tome medidas inmediatas que xa se presentaron por rexistro, e arrancamos unha campaña de recollida de sinaturas coa esperanza de que a presión social consiga finalmente que as cousas cambien.

-Máis información e acceso ao documento presentado por rexistro
http://www.rederefuxiadas.org/2018/06/campana-de-sinaturas-xunta-de-galicia.html

Información sobre a Rede galega en Apoio ás persoas refuxiadas
http://www.rederefuxiadas.org/p/contacta.html