Начальніку мытні - саветніку мытнай службы I рангу Яшкову Феліксу Валянцін: Патрабуем зняцця з пасады мытніка Ражкова Уладзіміра Александравіча

Мы, грамадзяне і госці Рэспублікі Беларусь абураны паводзінамі мытнікаў на мяжы і патрабуем зняць з займаемай пасады начальніка аддзела мытнага афармлення і кантролю № 10 Краўцоўскага ТП Ражкова Уладзіміра Александравіча, асабісты нумар 14-04-72.

Мытня з'яўляецца ўязной брамай у Беларусь. Менавіта па працы мытні складваюцца першыя ўражанні аб краіне!

11 верасня я накіровывалася з Чарнігава ў Гомель праз памежны пераход "Новая Гута". Пад час прахаджэння мытнага кантролю - начальнік змены з асабістым нумарам 14-04-72 які назваўся Ражковым Уладзімірам Аляксандравічам,патрабаваў ад нас размаўляць на рускай мове, звяраўся да нас на "Ты", лаяўся расейскай лаянкай. Пасля нашых заўваг і просьб - не парушаць дзеючае заканадаўства беларусі і тое што сваей асобай ен прадстаўляе не сябе а Беларусь, Ражкоў схапіў майго сябра за каўнер курткі і пачаў цягнуць яго на вуліцу дзеля "мужчынскіх размоў".

Пры гэтым Ражкоў У.А, сцвярджаў што ен начальнік і яму нічога не будзе за яго незаконнаыя паводзіны, ен можа рабіць усе што заўгодна. Далей працягваў лаяцца матам, пагражаў фізічнай расправай.

Дадзенныя дзеянні мытніка падпадаюць пад крымінальны кодэкс і дэскрэдэтуюць Беларусь.

Патрабуем: Звольніць Ражкова У.А з працы і пакараць за здейсненнае злачынства.