更新你嘅 Cookie 管理 ,就可以用呢個功能。
點擊 「全部允許」 或者只係激活 「目標Cookies」。
如果你繼續,就代表你接受Avaaz嘅 私隱政策 ,呢個政策解釋你嘅資料會點用,同埋點樣得到保護。
明白

幫手

選擇圖片

用圖畫表達


適合嘅圖片,令人一眼就明白訊息。聯署行動用嘅圖片可以令內容更生動,吸引注意,鼓勵多啲人加入。呢啲係一啲成功嘅聯署行動用過嘅圖片,由幾百幅例子中篩選出嚟,亦測試過非常有效:


1. 有人氣 — 突出個人


有關歐洲經濟危機嘅細節,可能會過於技術性,讀者未必睇得明;抗議群眾又容易成為焦點,反而令人忽視抗議嘅內容。呢幅圖焦點係個細路女,暗示經濟決策將會影響佢嘅未來同埋夢想。


2. 可以代表你嘅聯署行動


呢個聯署行動集中講嘅故仔, 係集束炸彈呢種毫無意義而且過時嘅暴力武器,正威脅脆弱嘅細路仔 — 而且千言萬語喺晒呢幅圖入面


3. 顯示問題有幾嚴重


嘩!呢啲樹咁大棵, 竟然咁多一齊冧晒。 呢幅圖顯示破壞環境嘅規模非常龐大。雖然喺巴西亞馬遜森林發生,但圖片將件事帶到眼前,變得非常具體。(所以你要阻止!)


4. 包含收信對象


加入收信對象幅相, 令佢個人感覺到壓力— 冇人想自己受到公開批評


5. 視覺上好睇


呢幅圖嘅顏色同燈光非常迷人 — 人海裏面有紅、橙、黃三色,俾人有力量同溫暖嘅感覺。


6. 顯示對比


呢幅圖一睇就覺得唔妥:警察全副武裝,推撞女人同小朋友,仲有一個冇着衫嘅細路;兩群人之間嘅對比完全荒謬,充分講出件事幾咁唔公義,同政府對民間抗議唔合比例反應。


7. 文化拼貼  二次創作


將一個人人都認得嘅符號改造成你個聯署行動嘅象徵。


8. 暴力圖片唔一定最好用


令人不安嘅相,固然可以引起極大情緒反應,但亦可能分散對你個聯署行動嘅注意力, 讀者亦可能因為唔想睇而立即離開版面。呢幅大象宏偉美麗形象嘅圖片,比血淋淋嘅大象屍體,對反捕獵行動更有幫助。