Ante a posibilidade de que se repita unha nova batida de lobo en Friol (Lugo) a solicitude do propio concello, pedimos á Xunta que esa batida sexa denegada. A pasada fin de semana a Xunta autorizou de xeito "express" unha batida de lobo sen estar contrastada a súa xustificación, que resultou un desastre pragado de irregularidades: presenza de menores de idade, uso de foguetes, cámaras de fototrampeo... todo isto envolto nun circo mediático que tivo como resultado a morte dun can! Agora o concello de Friol, pretende solicitar unha nova batida de lobo "ao non cumprirse o obxectivo da primeira".

As medidas preventivas, as compensacións xustas por danos e lucro cesante efectuadas con celeridade, a concienciación social, a desactivación dos conflitos, a información obxectiva e a investigación do lobo deben ser os principios reitores na xestión e conservación do lobo fronte aos chamados "controis poboacionais".

Organizacións asinantes: ADEGA (Asociación para a Defensa Ecolóxica de Galiza); GEAS (Grupo de Estudo dos Animais Salvaxes); FEG (Federación Ecoloxista Galega); ASCEL (Asociación para la conservación y estudio del lobo ibérico); Grupo Naturalista Hábitat;