მზიური პარკინგი არ არის - მიმართვა მერიას!

მოგახსენებთ, რომ ბავშვთა ქალაქ მზიურში, მის შუაგულ სარეკრეაციო ნაწილში, სადაც განლაგებულია ბავშვთა ლაბირინთი, სასრიალო კოშკი და სკვერი (ე.წ. ლოკოკინას მიმდებარე ტერიტორია) უკვე რამდენიმე თვეა თვითნებურად მოწყობილია მანქანების ავტოსადგომი. ის ადგილი, სადაც მშობლები მცირეწლოვან შვილებს ეტლებით უნდა ასეირნებდნენ, ბავშვები ყიჟინით დარბოდნენ და ახალგაზრდები იკრიბებოდნენ დასვენების მიზნით, ამჟამად სამწუხაროდ ჩახერგილია მუდმივად ავტო მანქანებით. სამწუხაროა, რომ იქვე მყოფი დაცვის სამსახური, რომელსაც ევალება ტერიტორიაზე წესრიგის დაცვა, მათ შორის ამ მანქანების გაჩერების აკრძალვა, ვერ უზრუნველყოფს ამ პრობლემის მოგვარებას. აქვე მოგახსენებთ, რომ რამდენიმე მეტრში სპეციალურად მომზადებულია ავტოსადგომი, სადაც მოქალაქეებისთვის ნებადართლია მანქანების გაჩერება.
უმორჩილესად გთხოვთ, თქვენც შეაფასოთ ადგილზე ჩვენს მიერ მითითებული პრობლემა (აქვე გიგზავნით ფოტოსურათებს ამსახველი ფაქტებით) და მიაქციოთ შესაბამისი ყურადღება აღნიშნულის აღმოსაფხვრელად. ჩვენ ვფიქრობთ, რომ ძალიან მნიშვნელოვანია ბავშვთა ქალაქ მზიურში წესრიგის უზრუნველყოფად სკვერის შესასვლელში ამკრძალავი ნიშნის და ასევე ბარიერული ბოძების დაყენება. ეს საშუალებას მოგვცემს, მცირედი ფინანსური რესურსების მობილიზებით შევაჩეროთ მოქალაქეების მხრიდან თვითნებურად სარეკრეციო ნაწილში მანქანების გაჩერება და იქ დამსვენებელთა უსაფრთხოების უზრუნველყოფა.